ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ໜ່ວຍພັກກົມກໍ່ສ້າງພັກ ແລະ ສູນພັດທະນາວຽກງານຈັດຕັ້ງ ຄະນະຈັດຕັ້ງສູນກາງພັກ ຮັບສະມາຊິກພັກສົມບູນ
ຈຳນວນຜູ້ອ່ານ: 79
ອະນຸມັດວັນທີ: 11/11/2022

ໂດຍ: ແສງຄຳ

     ໃນວັນທີ 9 ພະຈິກ 2022 ທີ່ຫ້ອງປະຊຸມ ຄະນະຈັດຕັ້ງສູນກາງພັກ ໄດ້ມີພິທີ ເລື່ອນສະມາຊິກພັກສຳຮອງ ເປັນສະມາຊິກພັກສົມບູນ ຈຳນວນ 3 ສະຫາຍ ໃນນີ້ໜ່ວຍພັກກົມກໍ່ສ້າງພັກ ມີ 2 ສະຫາຍ ແລະ ສູນພັດທະນາວຽກງານຈັດຕັ້ງ ມີ 1 ສະຫາຍ; ເຂົ້າຮ່ວມໃນພິທີມີສະຫາຍ ນາງ. ສີບານ  ສີສະອາດ  ກຳມະການຄະນະພັກ ຄະນະຈັດຕັ້ງສູນກາງພັກ, ເລຂາໜ່ວຍພັກ ຮັກສາການຫົວໜ້າກົມກໍ່ສ້າງພັກ, ມີສະຫາຍ ນາງ. ວິໄລວັນ ເພັງສະຫວັດ ເລຂາໜ່ວຍພັກ, ຫົວໜ້າສູນພັດທະນາວຽກງານຈັດຕັ້ງ, ມີບັນດາສະຫາຍຄະນະໜ່ວຍພັກ ແລະ ບັນດາສະຫາຍຕາງໜ້າຈາກ 3 ອົງການຈັດຕັ້ງມະຫາຊົນ ແລະ ສະມາຊິກພັກພາຍໃນ 2 ໜ່ວຍພັກເຂົ້າຮ່ວມຢ່າງພ້ອມພຽງ.

     ໃນພິທີດັ່ງກ່າວໄດ້ຜ່ານມະຕິຕົກລົງຂອງຄະນະພັກ ຄະນະຈັດຕັ້ງສູນກາງພັກ ວ່າດ້ວຍການຮັບສະມາຊິກພັກສຳຮອງເລື່ອນເປັນສະມາຊິກພັກສົມບູນ, ຈາກນັ້ນ ສະຫາຍເລຂາໜ່ວຍພັກ ທັງ 2 ໜ່ວຍພັກ ໄດ້ມີຄຳເຫັນ ແລະ ມອບຂໍ້ຕົກລົງ ພ້ອມທັງຈັບມືຕ້ອນຮັບບັນດາສະຫາຍສະມາຊິກພັກສົມບູນ ເພື່ອສືບຕໍ່ຝຶກຝົນຫຼໍ່ຫຼອມກໍ່ສ້າງຕົນໃຫ້ເປັນກຳລັງແຮງໃນການປະຕິບັດໜ້າທີ່ການເມືອງຊ່ວຍໜ່ວຍພັກຂອງຕົນໃນຕໍ່ໜ້າ.

     ຕອນທ້າຍພິທີ ສະຫາຍ ນາງ. ສີບານ ສີສະອາດ ກຳມະການຄະນະພັກ ຄຈສພ ໄດ້ມີຄໍາເຫັນໂອ້ລົມຕໍ່ພິທີດັ່ງກ່າວ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ສະມາຊິກພັກສົມບູນໃໝ່ ທີ່ໄດ້ຝຶກຝົນຫຼໍ່ຫຼອມຕົນເອງຕະຫຼອດໄລຍະສະໄໝສຳຮອງ 12 ເດືອນ ແລະ ໄດ້ເນັ້ນໃຫ້ສະມາຊິກພັກສົມບູນໃໝ່ ຈົ່ງສືບຕໍ່ກໍ່ສ້າງ ແລະ ຝຶກຝົນຫຼໍ່ຫຼອມຕົນເອງ ຄົ້ນຄວ້າຮໍ່າຮຽນ, ກໍາແໜ້ນແນວທາງນະໂຍບາຍຂອງພັກ ແລະ ກົດໝາຍຂອງລັດ, ຫ້າວຫັນຕໍ່ການປະຕິບັດໜ້າທີ່ວຽກງານທີ່ໄດ້ຮັບມອບໝາຍ, ພັດທະນາຕົນເອງໃນທຸກດ້ານ ສ້າງຕົນເອງໃຫ້ກາຍເປັນສະມາຊິກພັກສົມບູນທີ່ມີຄຸນນະພາບ, ເປັນກໍາລັງແຮງຊ່ວຍວຽກໜ່ວຍພັກ, ມີ​ຄວາມ​ຮັບຜິດຊອບສູງຕໍ່​ໜ້າ​ທີ່​ວຽກ​ງານ ແລະ ປະຕິບັດກົດລະບຽບຂອງພັກ, ກົດໝາຍຂອງລັດຢ່າງ​ເຂັ້ມ​ງວດ ແລະ ພ້ອມນັ້ນຕ້ອງຮັກສາໄດ້ບົດບາດຄວາມເປັນແບບຢ່າງນຳໜ້າ, ເພີ່ມທະວີເປັນກຳລັງແຮງແກ່ກົມ ແລະ ຂັ້ນເທິງໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍໃຫ້ມີປະສິດທິພາບ ແລະ ປະສິດທິຜົນສູງ.