ຂ່າວ: ຄອນຄຳ
ພາບ: ແສງອາລຸນ + ບານ.
ໃນວັນທີ 5 ພຶດສະພາ 2022 ຄະນະຈັດຕັ້ງສູນກາງພັກ (ຄຈສພ) ໄດ້ຈັດຕັ້ງເຜີຍແຜ່-ເຊື່ອມຊຶມ ເອກະສານວັນສຳຄັນຂອງພັກ ແລະ ເອກະສານພາຍໃນສຳນັກງານຈຳນວນໜຶ່ງ ໂດຍການເປັນປະທານ ແລະ ໃຫ້ກຽດເຜີຍແຜ່ຂອງສະຫາຍ ທອງຈັນ ໂຂງພູມຄຳ ຄະນະປະຈໍາພັກ, ຮອງຫົວໜ້າຄະນະຈັດຕັ້ງສູນກາງພັກ, ມີຄະນະນຳຫ້ອງການ, ບັນດາກົມ ແລະ ພະນັກງານ-ລັດຖະກອນທົ່ວສຳນັກງານຄະນະຈັດຕັ້ງສູນກາງພັກເຂົ້າ.
ເອກະສານທີ່ນຳມາເຜີຍແຜ່-ເຊື່ອມຊຶມ ມີຄຳສັ່ງຂອງຄະນະເລຂາທິການສູນກາງພັກ ເລກທີ 190/ຄລສພ ລົງວັນທີ 29 ກັນຍາ 2021 ວ່າດ້ວຍການປັບປຸງກົງຈັກການຈັດຕັ້ງຂອງບັນດາກະຊວງ-ອົງການ ແລະ ທ້ອງຖິ່ນ, ຄຳແນະນຳຂອງນາຍົກລັດຖະມົນຕີ ເລກທີ 01/ນຍ ລົງວັນທີ 06 ທັນວາ 2021 ວ່າດ້ວຍການຈັດຕັ້ງຜັນຂະຫຍາຍຄຳສັ່ງ ເລກທີ 190/ຄລສພ ພ້ອມນີ້ກໍ່ໄດ້ປະກາດປັບປຸງການຈັດຕັ້ງ-ສັບຊ້ອນພະນັກງານຂັ້ນຮອງຫົວໜ້າກົມພາຍໃນສຳນັກງານ ຄຈສພ ຈຳນວນໜຶ່ງ ຄື:
ການເຜີຍແຜ່ເຊື່ອມຊຶມຄັ້ງນີ້ແນໃສ່ເພື່ອໃຫ້ຄະນະພັກ-ຄະນະນຳ ພ້ອມດ້ວຍພະນັກງານ-ລັດຖະກອນພາຍໃນສຳນັກງານ ຄຈສພ ໄດ້ຮັບຮູ້ເຂົ້າໃຈ, ກຳແໜ້ນ ເປັນເອກະພາບ ແລະ ເປັນທິດນຳໃນການຈັດຕັ້ງປະຕິບັດຢູ່ໃນຄວາມຮັບຜິດຊອບຂອງຕົນໃຫ້ປະກົດຜົນເປັນຈິງ.
