ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ໜ່ວຍພັກກົມໂຄສະນາກໍ່ສ້າງພັກ-ພະນັກງານ ຈັດພິທີເລື່ອນສະມາຊິກພັກສຳຮອງເປັນສະມາຊິກພັກສົມບູນ
ຈຳນວນຜູ້ອ່ານ: 162
ອະນຸມັດວັນທີ: 01/04/2022

ຂ່າວ: ວິລະສະໄໝ

ພາບ: ສູນທອນ

     ໃນວັນທີ 31 ມີນາ 2022 ໜ່ວຍພັກກົມໂຄສະນາກໍ່ສ້າງພັກ-ພະນັກງານ ຄະນະຈັດຕັ້ງສູນກາງພັກ ໄດ້ຈັດພິທີເລື່ອນສະມາຊິກພັກສຳຮອງເປັນສະມາຊິກພັກສົມບູນ 3 ສະຫາຍ, ຍິງ 1 ສະຫາຍ ເພື່ອເປັນກຳລັງແຮງໃນການປະຕິບັດໜ້າທີ່ການເມືອງຊ່ວຍໜ່ວຍພັກ ໂດຍ​ການ​ເປັນ​ປະທານ ແລະ ໃຫ້ກຽດໂອ້ລົມ ​ຂອງ​ສະຫາຍ ດອນ ໄພວົງ ຄະນະພັກ ຄະນະຈັດຕັ້ງສູນກາງພັກ ເລຂາ​ໜ່ວຍ​ພັກ​ກົມ​ໂຄສະນາກໍ່ສ້າງພັກ-ພະນັກງານ, ມີຜູ້ຕາງໜ້າຈາກບັນດາໜ່ວຍພັກ ແລະ ອົງການຈັດຕັ້ງມະຫາຊົນອ້ອມຂ້າງຄະນະຈັດຕັ້ງສູນກາງພັກ ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.

     ໃນພິທີດັ່ງກ່າວ ໄດ້ຜ່ານມະຕິຕົກລົງຂອງຄະນະປະຈຳພັກ ຄະນະຈັດຕັ້ງສູນກາງພັກ ວ່າດ້ວຍການເລື່ອນສະມາ ຊິກພັກສຳຮອງເປັນສະມາຊິກພັກສົມບູນ, ຈາກນັ້ນ ສະມາຊິກພັກສົມບູນ ຂຶ້ນກ່າວຄຳປະຕິຍານ ແລະ ສະຫາຍເລຂາໜ່ວຍພັກໄດ້ຂຶ້ນກ່າວຄຳເຫັນ ແລະ ຈັບມືຮັບເອົາເຂົ້າເປັນກຳລັງແຮງໃນການປະຕິບັດໜ້າທີ່ການເມືອງຊ່ວຍໜ່ວຍພັກຂອງຕົນສືບເນື່ອງຕໍ່ໄປ.

     ໃນຕອນທ້າຍຂອງພິທີ ສະຫາຍ ດອນ ໄພວົງ ຄະນະພັກ ຄະນະຈັດຕັ້ງສູນກາງພັກ ເລຂາ​ໜ່ວຍ​ພັກ​ກົມ​ໂຄສະນາກໍ່ສ້າງພັກ-ພະນັກງານ, ໄດ້ມີຄຳເຫັນໂອ້ລົມຕໍ່ສະມາຊິກພັກສົມບູນໃໝ່ ແລະ ຜູ້ເຂົ້າຮ່ວມ ໃຫ້ເອົາໃຈໃສ່ສືບຕໍ່ຝຶກຝົນຫຼໍ່ຫຼອມຕົນເອງໃນທຸກດ້ານ, ໂດຍສະເພາະດ້ານຄຸນທາດການເມືອງ, ຄຸນສົມບັດສິນທຳປະຕິວັດໃຫ້ໜັກແໜ້ນ, ດ້ານວຽກງານວິຊາສະເພາະກໍ່ຕ້ອງ ເອົາໃຈໃສ່ເພື່ອເຮັດໃຫ້ວຽກງານໃນຄວາມຮັບຜິດຊອບຂອງຕົນ ມີຜົນສຳເລັດ ແລະ ມີປະສິດທິຜົນ,  ກຳແໜ້ນບັນດາສິດ, ໜ້າທີ່ ແລະ ຂໍ້ຫ້າມຕ່າງໆຂອງສະມາຊິກພັກ, ກຳແໜ້ນກົດລະບຽບພັກ  ເປັນເຈົ້າການປະຕິບັດກົດລະບຽບຂອງພັກຢ່າງເຂັ້ມງວດ ເພື່ອເຮັດລ້ອນໜ້າທີ່ການເມືອງທີ່ໄດ້ຮັບມອບໝາຍ.