ຂ່າວ: ຄອນຄຳ
ພາບ: ວິລະສະໄໝ
ປະຕິບັດຕາມມະຕິຕົກລົງຂອງຄະນະເລຂາທິການສູນກາງພັກ ໃນວັນທີ 5 ມັງກອນ 2022 ຄະນະຈັດຕັ້ງສູນກາງພັກ ໄດ້ຈັດພິທີປະກາດການແຕ່ງຕັ້ງພະນັກງານນຳພາຄຸ້ມຄອງພາຍໃນຄະນະຈັດຕັ້ງສູນກາງພັກ ເຊິ່ງມີບັນດາສະຫາຍດັ່ງນີ້:
ໃນໂອກາດເຂົ້າຮ່ວມພິທີດັ່ງກ່າວ ສະຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກ ໄດ້ມີຄຳເຫັນໂອ້ລົມໃຫ້ທິດຊີ້ນຳຕໍ່ພິທີດັ່ງກ່າວ ໂດຍໄດ້ເນັ້ນໜັກບາງບັນຫາດັ່ງນີ້: ການປະກາດການແຕ່ງຕັ້ງໝາຍເຖິງການເຕີບໃຫຍ່ຂະຫຍາຍຕົວຂອງການຈັດຕັ້ງ ແລະ ບຸກຄະລາກອນ, ເປັນການເພີ່ມກຳລັງແຮງໃນການປະຕິບັດໜ້າທີ່ວຽກງານຂອງຄະນະຈັດຕັ້ງສູນກາງພັກ, ບັນດາສະຫາຍທີ່ໄດ້ຮັບການແຕ່ງຕັ້ງໃນຄັ້ງນີ້ ຈົ່ງເອົາໃຈໃສ່ເຮັດສຳເລັດໜ້າທີ່ການເມືອງທີ່ໄດ້ຮັບມອບໝາຍ, ເປັນເສນາທິການໃຫ້ຄະນະພັກ ຄະນະຈັດຕັ້ງສູນກາງພັກ ຕາມພາລະບົດບາດໜ້າທີ່ທີ່ຕົນຮັບຜິດຊອບດ້ວຍຜົນສຳເລັດໃໝ່ ພ້ອມດຽວກັນນັ້ນ ກໍ່ຕ້ອງໄດ້ເອົາໃຈໃສ່ຟັງຫາງສຽງຂອງມະຫາຊົນຕໍ່ແບບແຜນວິທີການນຳພາຂອງຕົນ, ປັບປຸງດ້ານອ່ອນ-ຂໍ້ຄົງຄ້າງຂອງແຕ່ລະສະຫາຍ ສູ່ບັນຍາກາດໃໝ່ທີ່ຕັ້ງໜ້າ ບັນຫາສຳຄັນແມ່ນການປະຕິບັດລະບອບແບບແຜນນຳພາວິທີເຮັດວຽກຕາມຫຼັກການຂອງພັກ, ຮັກສາຄວາມສາມັກຄີເປັນເອກະພາບພາຍໃນໝູ່ຄະນະ ກໍ່ຄືພາຍໃນສະມາຊິກພັກ-ພະນັກງານ, ຈິງໃຈຕຳນິສົ່ງຂ່າວເພື່ອກໍ່ສ້າງເຊິ່ງກັນ ແລະ ກັນ, ປະກອບສ່ວນເຂົ້າໃນການຈັດຕັ້ງຜັນຂະຫຍາຍແນວທາງການຈັດຕັ້ງ, ກໍ່ສ້າງພັກ-ພະນັກງານ ກໍ່ຄືຂະບວນການລວມໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ XI ແລະ ມະຕິກອງປະຊຸມໃຫຍ່ສະມາຊິກພັກ ອົງຄະນະພັກ ຄະນະຈັດຕັ້ງສູນກາງພັກ ຄັ້ງທີ IX ໃຫ້ປະສົບຜົນສຳເລັດຢ່າງມີໄຊ.