ໂດຍ: ສັນຕິບານ
ກອງປະຊຸມຄົບຄະນະບໍລິຫານງານພັກແຂວງ ເປີດກວ້າງ ຄັ້ງທີ 8 ສະໄໝທີ VII ແຂວງຫຼວງພະບາງໄດ້ໄຂຂຶ້ນ ແລະ ດຳເນີນເປັນເວລາ 5 ວັນ (25-28 ທັນວາ 2017) ໂດຍການເປັນປະ ທານຂອງສະຫາຍ ຄຳຂັນ ຈັນທະວີສຸກ ເລຂາພັກແຂວງ ເຈົ້າແຂວງຫຼວງພະບາງ, ໃຫ້ກຽດເຂົ້າຮ່ວມຊີ້ນຳ ແລະ ໂອ້ລົມຂອງສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກ, ມີຄະນະພັກແຂວງ, ເມືອງ ແລະ ຂະແໜງການຕ່າງໆຂອງແຂວງເຂົ້າຮ່ວມ.
ກອງປະຊຸມຄັ້ງນີ້ໄດ້ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ X ແລະ ຕີລາຄາການຈັ້ດຕັ້ງປະຕິບັດມະຕິກອງປະຊຸມຄົບຄະນະພັກແຂວງ ຄັ້ງທີ 7 ສະໄໝທີ VII, ວຽກງານຮອບດ້ານ ປີ 2017 ແລະ ກຳນົດທິດທາງຈຸດສຸມ ປີ 2018. ໃນ 1 ປີຜ່ານມາເຫັນວ່າມີຜົນສຳເລັດຫຼາຍດ້ານ ເປັນຕົ້ນ ວຽກງານປ້ອງກັນຊາດ-ປ້ອງກັນຄວາມສະຫງົບ: ສະພາບທີ່ພົ້ນເດັ່ນ ແມ່ນການແກ້ໄຂບັນຫາຢາເສບຕິດ, ບັນຫາຂີ້ລັກ, ງັດແງະ, ອຸບັດຕິເຫດຕາມທ້ອງຖະໜົນ, ການເຄື່ອນຍ້າຍ ແລະ ເຂົ້າ-ອອກຊາຍແດນຜິດກົດໝາຍຂອງພົນລະເມືອງ, ການຂະຫຍາຍສາສະໜາບໍ່ຖືກຕ້ອງ ແລະ ປະກົດການຫຍໍ່ທໍ້ອື່ນໆ. ປັດຈຸບັນທົ່ວແຂວງມີບ້ານວັດທະນະທຳກວມເອົາ 67,44%, ຄອບຄົວວັດທະນະ ທຳກວມ 65,13%. ໄດ້ເປັນເຈົ້າການເຊື່ອມຊຶມມະຕິ X ຂອງພັກ ແລະ ມະຕິ VII ຂອງອົງຄະນະພັກແຂວງ ແລະ ປາຖະກະຖາເອກະສານ ແລະ ວັນສຳຄັນຕ່າງໆຂອງພັກ, ຂອງຊາດ, ຂະຫຍາຍມະຫາຊົນກ້າວໜ້າເຂົ້າພັກໄດ້ 1.051 ສະຫາຍ, ຍິງ 457 ສະຫາຍ, ຂະຫຍາຍໜ່ວຍພັກໃໝ່ໄດ້ 9 ໜ່ວຍ ປັດຈຸ ບັນມີໜ່ວຍພັກທັງໝົດ 1.354 ໜ່ວຍ ມີໜ່ວຍພັກເຂັ້ມແຂງ-ຮູ້ນຳພາຮອບດ້ານກວມເອົາ 77,91%, ມີສະມາຊິກພັກທັງໝົດ 21.538 ສະຫາຍ ຍິງ 4.525 ສະຫາຍ, ໃນນີ້ມີຜູ້ໄດ້ຮັບບັດສະມາຊິກພັກສົມບູນແລ້ວກວມ 65,51%, ໄດ້ຄົ້ນຄວ້າເຊື່ອມຊຶມຄຳສັ່ງ 01 ຂອງກົມການເມືອງ ແລະ ສຳເລັດການດຳເນີນຊີວິດການເມືອງປັບປຸງປົວແປງທົ່ວພັກຂັ້ນແຂວງ, ເມືອງ ແລະ ບ້ານ.
ທີ່ປະຊຸມ ບັນດາຜູ້ແທນໄດ້ຂຶ້ນປະກອບຄຳເຫັນ ແລະ ຕີລາຄາການຈັດຕັ້ງປະຕິບັດວຽກງານໃນຂົງເຂດຕົນຮັບຜິດຊອບຢ່າງກົງໄປກົງມາ. ຄຽງຄູ່ຜົນສຳເລັດທີ່ກ່າວມານັ້ນ ກໍຍັງມີດ້ານອ່ອນ ແລະ ຂໍ້ຄົງ ຄ້າງຈຳນວນໜຶ່ງ ທີ່ຈະຕ້ອງໄດ້ປັບປຸງແກ້ໄຂ ຄວາມເປັນແບບຢ່າງ ຄວາມກະຕືລືລົນຂອງພະນັກງານ-ສະ ມາຊິກພັກ ແລະ ປະຊາຊົນຈຳນວນໜຶ່ງຫຼຸດລົງ, ການຫັນລົງກໍ່ສ້າງຮາກຖານການເມືອງ, ການນຳພາແກ້ໄຂວຽກຕົວຈິງຊ່ວຍປະຊາຊົນຍັງເຮັດໄດ້ໜ້ອຍ.
ໃນຕໍ່ໜ້າຈະໄດ້ສືບຕໍ່ລົງຮາກຖານການເມືອງ, ສຶກສາອົບຮົມປະຊົນບັນດາເຜົາໃຫ້ມີສະຕິເຄົາລົບລະບຽບກົດໝາຍ ເປັນເຈົ້າການສະກັດກັນກົນອຸບາຍຂອງສັດຕູຢ່າງໜັກແໜ້ນ ຕັ້ງໜ້າປັບປຸງກຳລັງປ້ອງກັນຊາດ-ປ້ອງກັນຄວາມສະຫງົບ, ສືບຕໍ່ຊຸກຍູ້ສົ່ງເສີມການຜະລິດພາຍໃນ, ການລົງທຶນຂອງຕ່າງປະເທດເພື່ອກະຕຸ້ນເສດຖະກິດຂອງແຂວງໃຫມີການຂະຫຍາຍຕົວຢ່າງຕໍ່ເນື່ອງ ຖືກທິດ ແລະ ຍືນຍົງແກ້ໄຂຄວາມ ທຸກຍາກຂອງປະຊາຊົນ ເລັ່ງໃສ່ການຜະລິດສະບຽງອາຫານພັດທະນາອຸສາຫະກຳ-ການຄ້າ ມີຄວາມເຂັ້ມແຂງ ສ້າງມູນຄ້າການສົ່ງອອກໃຫ້ຫຼາຍກວ່າເກົ່າ.
ຈານນັ້ນກອງປະຊຸມໄດ້ຮັບຟັງການໂອ້ລົມຂອງສະຫາຍ ຈັນສີ ໂພສີຄຳ ກ່ອນອື່ນສະຫາຍໄດ້ຍ້ອງ ຍໍຊົມເຊີຍຜົນສຳເລັດທີ່ຍາດມາໄດ້ ເປັນຕົ້ນທົ່ວແຂວງມີຄວາມສະຫງົບ, ເສດຖະກິດມີການຂະຫຍາຍຕົວ, ພື້ນຖານໂຄງລ່າງຂອງແຂວງໄດ້ຮັບການພັດທະນາຫຼາຍດ້ານ ຊຶ່ງເຮັດໃຫ້ແຂວງຫຼວງພະບາງມີໂສມໜ້າໃໝ່. ນອກນີ້ສະຫາຍຍັງໄດ້ຊີ້ນຳໃຫ້ຄະນນະພັກເອົາໃຈໃສ່ສືບຕໍ່ຊີ້ນຳການລົງກໍ່ສ້າງຮາກຖານການເມືອງໃຫ້ຕິດແທດກັບທ້ອງຖິ່ນ ເພືອປຸກລະດົມຂົນຂວາຍປະຊາຊົນໃຫ້ເຂົ້າໃຈຕໍ່ແນວທາງຂອງພັກ, ເອົາໃຈໃສ່ຊຸກຍູ້ສົ່ງເສີມເສດຖະກິດທ້ອງຖິ່ນ, ເສດຖະກິດຄອບຄົວ, ສົ່ງເສີມສ້າງສີມືແຮງງານໃຫ້ປະຊາຊົນ, ຫັນເອົາພະ ນັກງານລົງທ້ອງຖິນ, ຈັດສັນກຸ່ມຜະລິດຢ່າງເປັນຂະບວນການ, ສ້າງໂຄງການ ແລະ ສົ່ງເສີມການປູກ-ການລ້ຽງໃຫ້ກາຍເປັນສິນຄ້າ ເພື່ອສ້າງເສດຖະກິດຄອບຄົວໃຫ້ແທດເໝາະກັບສະພາບເງື່ອນໄຂຕົວຈິງຂອງແຕ່ລະບ້ານ, ແຕ່ລະຄອບຄົວ ນອກນີ້ຕ້ອງໄດ້ປັບປຸງ ເສີມຂະຫຍາຍກຳລັງ ປກຊ-ປກສ ໃຫ້ເຂັ້ມແຂງ ແລະ ລົງເຄື່ອນໄຫວຢ່າງເຂັ້ມງວດ ຈຶ່ງຈະເຮັດໃຫ້ມີຄວາມສະຫງົບ ປະຊາຊົນຍູທ່າງທຳມາຫາກິນ ແລະ ສ້າງສາພັດທະນາໃຫ້ດີຂຶ້ນ...ຯ
