ໂດຍ: ສ. ມິດມີໄຊ
ເພື່ອປະຕິບັດຕາມຄຳສັ່ງ ເລກທີ 01 ຂອງກົມການເມືອງສູນກາງພັກ ວ່າດ້ວຍການດຳເນີນຊີວິດການເມືອງປັບປຸງປົວແປງທົ່ວພັກ ປີ 2017; ໃນລະຫວ່າງວັນທີ 6-13 ມີຖຸນາ 2017 ນີ້ ກະຊວງກະສິກຳ ແລະ ປ່າໄມ້ ໄດ້ເປີດກອງປະຊຸມດຳເນີນຊີວິດການເມືອງປັບປຸງປົວແປງທົ່ວອົງຄະນະພັກກະຊວງຂອງຕົນຂຶ້ນ ໂດຍການເປັນປະທານຂອງສະຫາຍ ປອ ລຽນ ທິແກ້ວ ກຳມະການສູນກາງພັກ ເລຂາຄະນະພັກກະຊວງກະສິກຳ ແລະ ປ່າໄມ້, ໃຫ້ກຽດເຂົ້າຮ່ວມຂອງສະຫາຍ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ປະທານຄະນະກວດກາສູນກາງພັກ, ຮອງຄະນະຮັບຜິດຊອບດຳເນີນຊີວິດການເມືອງປັບປຸງປົວແປງທົ່ວພັກ ປີ 2017, ມີບັນດາຄະນະນຳພັກກະຊວງ, ເລຂາຄະນະພັກຮາກຖານ, ເລຂາຮາກຖານພັກ, ສະມາຊິກພັກອາວຸໂສ, ສະມາຊິກພັກ-ພະນັກງານທົ່ວກະຊວງກະສິກຳ ແລະ ປ່າໄມ້ເຂົ້າຮ່ວມຢ່າງພ້ອມພຽງ.
ການເປີດບັ້ນດຳເນີນຊີວິດການເມືອງໃນຄັ້ງນີ້ ບັນດາຜູ້ເຂົ້າຮ່ວມໄດ້ຮັບຟັງການເຜີຍແຜ່ບັນດາເອ ກະສານທີ່ກ່ຽວກັບການປັບປຸງປົວແປງທົ່ວພັກ ໃຫ້ປອດໃສ, ເຂັ້ມແຂງ ແລະ ໜັກແໜ້ນ, ທັງໄດ້ປະກອບຄຳຄິດຄຳເຫັນໃຫ້ແກ່ບົດສະຫຼຸບຕີລາຄາການຊີ້ນຳ-ນຳພາຂອງຄະນະບໍລິຫານງານພັກກະຊວງ ກ່ຽວກັບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງຄະນະພັກກະຊວງ, ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII, ມະຕິຄຳສັ່ງຂອງພັກ, ຂອງລັດ; ຊີ້ໃຫ້ເຫັນຈຸດດີ, ຈຸດອ່ອນ, ຂໍ້ຄົງຄ້າງຂອງທົ່ວອົງຄະນະພັກກະຊວງ, ຊອກໃຫ້ເຫັນສາເຫດ, ບົດຮຽນ ແລະ ມາດຕະການແກ້ໄຂຈຸດອ່ອນຂໍ້ຄົງຄ້າງຂອງລວມໝູ່ຄະນະພັກກະຊວງ ເພື່ອເພີ່ມທະວີຄວາມສາມັກຄີເປັນເອກະພາບສູງພາຍໃນອົງຄະນະພັກກະຊວງ ເດັດດ່ຽວສູ້ຊົນນຳພາທົ່ວຂະແໜງກະສິກຳ-ປ່າໄມ້, ພັດ ທະນາຊົນນະບົດລຶບລ້າງຄວາມທຸກຍາກ ໃຫ້ມີຜົນສຳເລັດຢ່າງຈົບງາມຕາມແນວທາງປ່ຽນແປງໃໝ່ຮອບ ດ້ານ ແລະ ມີຫຼັກການຂອງພັກ; ຊຶ່ງປະຈຸບັນ ທົ່ວອົງຄະນະພັກກະຊວງ ປະກອບມີ 61 ຮາກຖານພັກ ໃນນັ້ນ, ມີ 12 ຄະນະພັກຮາກຖານ, 03 ໜ່ວຍພັກຮາກຖານ ແລະ 46 ໜ່ວຍພັກ ທີ່ຂຶ້ນກັບຄະນະພັກຮາກຖານ ແລະ ມີ 55 ຈຸພັກ; ມີສະມາຊິກພັກທັງໝົດ 800 ກວ່າສະຫາຍ ຍິງ 200 ກວ່າສະຫາຍ, ພະນັກງານ-ລັດຖະກອນ ມີທັງໝົດ 11.000 ກວ່າຄົນ ຍິງ 3.000 ກວ່າຄົນ.
ເວົ້າລວມແລ້ວ, ກອງປະຊຸມຄັ້ງນີ້ ແມ່ນມີຄວາມໝາຍສຳຄັນ ເພາະແມ່ນຄວາມຮຽກຮ້ອງຕ້ອງ ການອັນຮີບດ່ວນ ເພື່ອປັບປຸງປົວແປງພາຍໃນພັກ ຂອງອົງຄະນະພັກກະຊວງກະສິກຳ-ປ່າໄມ້ ແນ່ໃສສ້າງພັກເຮົາໃຫ້ມີຄວາມປອດໃສ, ໜັກແໜ້ນ, ເຂັ້ມແຂງ ມີການຫັນປ່ຽນຢ່າງຕັ້ງໜ້າ ແລະ ທັນສະພາບການເພື່ອສືບຕໍ່ນຳພາ ພາລະກິດປົກປັກຮັກສາ ແລະ ພັດທະນາປະເທດຊາດຕາມທິດຍຶນຍົງສູ່ຈຸດໝາຍສັງຄົມນິຍົມຢ່າງໜັກແໜ້ນ.
ໃນໂອກາດຂອງກອງປະຊຸມດັ່ງກ່າວນີ້ ບັນດາຜູ້ເຂົ້າຮ່ວມ ໄດ້ຮັບກຽດຟັງການໂອ້ລົມ ແລະ ຊີ້ທິດເຍືອງທາງຂອງສະຫາຍ ປອ ບຸນທອງ ຈິດມະນີ ຊຶ່ງສະຫາຍໄດ້ຮຽກຮ້ອງໃຫ້ບັນດາສະມາຊິກພັກ-ພະນັກງານທຸກທົ່ວໜ້າ ຈົ່ງເຊີດຊູ ແລະ ຍົກສູງຄວາມຮັບຜິດຊອບຂອງຕົນ ດຳເນີນການສຳຫຼວດກວດກາດ້ວຍຄວາມກ້າຫານ, ເດັດດ່ຽວ, ບໍລິສຸດ, ຈິງໃຈ ແລະ ສ້າງສັນ ເພື່ອເຮັດໃຫ້ກອງປະຊຸມໃນຄັ້ງນີ້ ບັນລຸຕາມຈຸດປະສົງ ແລະ ລະດັບຄາດໝາຍ ເຮັດໃຫ້ພາຍໃນພັກປອດໃສ, ເຂັ້ມແຂງ ແລະ ໜັກແໜ້ນປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດກ້າວສູ່ຈຸດໝາຍປາຍທາງຕາມທີ່ພັກເຮົາກຳນົດໄວ້...ໆ