ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ (22/3/1955-22/3/2020) ໃນວັນທີ 22 ມີນາ 2020 ຢູ່ທີ່ຫໍພິພີທະພັນ ປະທານ ໄກສອນ ພົມວິຫານ (ຫຼັກ 6, ນະຄອນຫຼວງວຽງຈັນ) ໄດ້ມີພິທີວາງກະຕ່າດອກໄມ້ ຢູ່ຕໍ່ໜ້າຮູບປັ້ນປະທານ ໄກສອນ ພົມວິຫານ ຄະນະຈັດຕັ້ງສູນກາງພັກ ນຳໂດຍສະຫາຍ ວັນໄຊ ພອງສະຫວັນ ຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກ ພ້ອມດ້ວຍຄະນະໄດ້ເຂົ້າຮ່ວມວາງກະຕ່າດອກໄມ້ ເພື່ອສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ ແລະ ຈາລຶກຄຸນງາມຄວາມດີ, ນໍ້າໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນຂອງບັນພະບູລຸດ, ນັກຮົບປະຕິວັດຜູ້ທີ່ເສຍສະຫຼະຊີວິດເລືອດເນື້ອທັງຫຼາຍ, ເພື່ອການປະຕິວັດຊາດປະຊາທິປະໄຕ ແລະ ຜືນແຜນດິນຂອງຊາດລາວເຮົາ, ພ້ອມໄດ້ສຸມສະຕິປັນຍາເຂົ້າໃນການນຳພາຂະບວນການຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນແບບເກົ່າ ແລະ ແບບໃໝ່; ຕະຫຼອດໄລຍະ 65 ປີ ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະຊາຊົນລາວບັນດາເຜົ່າໄດ້ຜ່ານຜ່າຄວາມຫຍຸ້ງຍາກ, ສິ່ງທົດສອບທ້າທາຍຫຼາຍປະການ, ຍາດໄດ້ໄຊຊະນະອັນໃຫຍ່ຫຼວງ, ມີຄວາມໝາຍປະຫວັດສາດໃນພາລະກິດຕໍ່ສູ້ປົດປ່ອຍຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ນຳເອົາຄວາມຢູ່ເຢັນເປັນສຸກມາສູ່ປະຊາຊົນບັນດາເຜົ່າ ຜົນງານ ແລະ ຄຸນງາມຄວາມດີນັ້ນ ແມ່ນໄດ້ຈາລຶກໄວ້ໃນປະຫວັດສາດຂອງຊາດລາວ ແລະ ຄວາມຊົງຈຳຂອງປະຊາຊົນລາວບັນດາເຜົ່າຕະຫຼອດຊົ່ວກາລະນານ…ຯ
ໂດຍ: ສໍສົດໃສ
