ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ກະຊວງ ຜທ ຈັດພິທີເຜີຍແຜ່ເອກະສານອົບຮົມມະຫາຊົນ ເພື່ອຂະຫຍາຍເຂົ້າເປັນສະມາຊິກພັກ ປະຈຳປີ 2023
ຈຳນວນຜູ້ອ່ານ: 26
ອະນຸມັດວັນທີ: 02/01/2024

ໂດຍ: ລັດດາວັນ

     ໃນວັນທີ 27 ທັນວາ 2023 ​ທີ່ກະຊວງ​ແຜນການ ​ແລະ ການ​ລົງທຶນ (ຜທ) ໄດ້ມີພິທີເຜີຍແຜ່ເອກະສານອົບຮົມມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ ປະຈຳປີ 2023, ພາຍ​ໃຕ້​ການ​ເປັນ​ປະທານ ຂອງສະຫາຍ ນາງ ຄຳ​ຈັນ​ ວົງ​ແສນ​ບູນ ຮອງ​ເລຂາ​ຄະນະ​ບໍລິຫານ​ງານ​ພັກ, ຮອງລັດຖະມົນຕີກະຊວງ ຜທ, ມີຜູ້ຕາງໜ້າບັນດາໜ່ວຍພັກອ້ອມຂ້າງກະຊວງ ຜທ ແລະ ມະຫາຊົນກ້າວໜ້າຈຳນວນ 35 ສະຫາຍ ຍິງ 18 ສະຫາຍ.

     ການຄັດ​ເລືອກ​ເອົາ​ມະຫາຊົນ​ເຂົ້າຮຽນເອກະສານກ່ຽວຂ້ອງຄັ້ງນີ້ແມ່ນ​ໄດ້​ຄັດ​ເລືອກ​ເອົາ​ຜູ້​ທີ່ມີມາດຕະຖານເງື່ອນໄຂຄົບຖ້ວນຕາມກົດລະບຽບຂອງພັກວາງອອກ ຈາກ​ບັນດາ​ໜ່ວຍ​ພັກອ້ອມຂ້າງອົງຄະນະພັກ ກະຊວງ ຜທ ດັ່ງນີ້:

1. ​ເປັນ​ຜູ້​ທີ່ມີຄວາມຕື່ນຕົວທາງດ້ານການເມືອງ ຕາມ​ອຸດົມ​ຄະຕິ​ຂອງ​ພັກ, ​ໄດ້ຜ່ານ​ການ​ທົດ​ສອບ​ໃນ​ການ​ເຮັດວຽກງານ​ຕົວ​ຈິງ, ​ເຮັດ​ສຳ​ເລັດ​​ໜ້າ​ທີ່ທີ່​ພັກ ​ແລະ ການຈັດ​ຕັ້ງ​ມອບ​ໝາຍ​ໃຫ້.

2. ​ເປັນ​ຜູ້​ທີ່ມີຊີວະ​ປະຫວັດ​ຈະ​​ແຈ້ງ​ຂາວ​ສະອາດ, ມີ​ຄຸນສົມບັດ​ສິນ​ທຳ​ປະຕິວັດ, ມີ​ຄວາມບໍລິສຸດສັດຊື່, ມີ​ຄວາມຮູ້​-ຄວາມ​ສາມາດ ແລະຈົງຮັກພັກດີຕໍ່ອຸດົມການຂອງພັກ.

3. ເປັນຜູ້ທີ່​ໄດ້​ຜ່ານ​ການ​ເຝິກຝົນ​ຫລໍ່​ຫລອມ​ໃນ​ຂະ​ບວນການ ຂອງ 3 ອົງການ​ຈັດ​ຕັ້ງ​ມະຫາ ຊົນ, ເປັນ​ແບບຢ່າງ​ນຳໜ້າ​ໃນ​ຂະ​ບວນການ​ຂອງ​ມະຫາຊົນ ​ແລະ ​ໄດ້​ຮັບ​ຄວາມ​ເຊື່ອ​ຖື​ໄວ້​ເນື້ອ​ເຊື່ອ​ໃຈ​ຈາກ​ມະຫາຊົນ.

4. ​ເປັນ​ຜູ້​ທີ່​ມີ​ສຸຂະພາບ​ແຂງ​ແຮງ, ຕື່ນ​ຕົວ​ສະໝັກ​ໃຈ​ເຂົ້າ​ພັກ ​ແລະ ຍິນ​ດີ​ປະຕິບັດຕາມ​ກົດ​ລະບຽບ​ຂອງ​ພັກ.

     ກອງປະຊຸມ, ໄດ້​ເຜີຍ​ແຜ່ເອກະສານອົບຮົມມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ ແລະ ຄໍາ​ແນະນຳຂອງຄະນະ​ໂຄສະນາ​ອົບຮົມ​ສູນ​ກາງ​ພັກ ສະບັບ​ເລກທີ 16/ຄອສພ, ລົງ​ວັນ​ທີ 7/7/2021 ກ່ຽວກັບ​ການ​ນຳ​ໃຊ້​ເອກະສານ​ອົບຮົມ​ມະຫາຊົນຜູ້ທີ່ຈະ​ຂະຫຍາຍ​ເຂົ້າເປັນສະມາຊິກພັກ ຈຳນວນ 13 ຫົວ​ຂໍ້. ພາຍຫຼັງ​ເຜີຍແຜ່-ເຊື່ອມ​ຊຶມ​ເອກະສານ​ສຳ​ເລັດ​ ໄດ້​ມີ​ການຄົ້ນຄວ້າ ຖາມ-ຕອບຂໍ້​ຂ້ອງ​ໃຈຂອງມະຫາຊົນກ້າວໜ້າ​ຢ່າງ​ກົງ​ໄປ​ກົງ​ມາ.

     ຈາກນັ້ນ, ສະຫາຍ ບຸນມີ ວິໄລຈິດ ກຳມະການຄະນະບໍລິຫານງານພັກກະຊວງ, ຫົວໜ້າ​ກົມ​ຈັດ​ຕັ້ງ ​ແລະ ພະນັກງານ ກະຊວງ ຜທ ​ໄດ້​​​ສະຫຼຸບຕີ​ລາຄາຜົນສຳ​ເລັດ​ການເຜີຍ​ແຜ່​ເອກະສານອົບຮົມຊຸດນີ້ ພ້ອມທັງໄດ້​​ມອບ​ໃບ​ຢັ້ງຢືນໃຫ້​ມະຫາຊົນ​ກ້າວໜ້າທີ່ຈະຂະຫຍາຍເຂົ້າເປັນສະມາຊິກພັກ ແລະ ໄດ້ເນັ້ນໃຫ້ມະຫາຊົນກ້າວໜ້າຕ້ອງ​​ເປັນ​ເຈົ້າ​ການ​ໃນ​ການ​ປະຕິບັດ​ແນວທາງ, ນະ​ໂຍບາຍ, ມະຕິ​, ຄໍາ​ສັ່ງ, ກົດ​ລະບຽບຂອງ​ພັກ ຢ່າງ​ເຂັ້ມ​ງວດ, ຍຶດຖືຫຼັກການລວມສູນ​ປະຊາທິປະ​ໄຕ, ຕ້ອງ​ມີ​ຄວາມ​ເປັນ​ເຈົ້າ​ການ, ມີຄວາມ​ຮັບຜິດຊອບ​ສູງ, ຍົກ​ສູງ​ຄວາມ​ຮັບຜິດຊອບ​ໃນ​ການ​ປະຕິບັດໜ້າທີ່​ວຽກງານ​ທີ່​ໄດ້​ຮັບມອບໝາຍ, ຫ້າວ​ຫັນ​ເປັນ​ເຈົ້າ​ການ​ປະຕິບັດ​ວຽກງານຢ່າງ​ປະດິດ​ສ້າງ, ມີ​ຄວາມ​ກ້າຫານ​ຮັບຜິດຊອບ​ຕໍ່​ຜົນ​ໄດ້ຜົນ​ເສຍ​ໃນ​ການ​ປະຕິບັດໜ້າທີ່​ວຽກງານ, ບໍ່​ເລືອກ​ວຽກ​, ເລືອ​ກງານທີ່​ການຈັດ​ຕັ້ງມອບໝາຍ​ໃຫ້, ມີ​ຄວາມ​ຕັດສິນ​ໃຈ​ຜ່ານ​ຜ່າ​ອຸປະ​ສັກ​ນາໆປະການ, ​ເຮັດ​ວຽກມີ​ຜົນສຳ​ເລັດ ​ແລະ ມີ​ປະສິດທິ​ຜົນ​ສູງ.