ຂ່າວ: ວິລະສະໄໝ
ພາບ: ສູນທອນ
ໃນຕອນບ່າຍ ວັນທີ 28 ມັງກອນ 2022 ທີ່ຫ້ອງປະຊຸມໃຫຍ່ ມະຫາວິທະຍາໄລວິທະຍາສາດສຸຂະພາບ (ວິທະຍາເຂດດົງໂພສີ) ໄດ້ຈັດພິທີເຜີຍແຜ່, ເຊື່ອຊຶມ ສາມເອກະສານສຳຄັນຄື:
ໃນພິທີ, ສະຫາຍ ປອ. ດຣ. ບຸນແຝງ ພູມມະໄລສິດ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງສາທາລະນະສຸກ ແລະ ສະຫາຍ ດຣ. ສະໜອງ ທອງຊະນະ ຮອງເລຂາຄະນະພັກ, ຮອງລັດຖະມົນຕີກະຊວງສາທາລະນະສຸກ ໄດ້ໃຫ້ກຽດເຜີຍແຜ່ເອກະສານສຳຄັນດັ່ງກ່າວ ໂດຍມີຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກ, ສະມາຊິກພັກ ແລະ ຄະນະບໍລິຫານງານ 3 ອົງການຈັດຕັ້ງມະຫາຊົນ ອ້ອມຂ້າງກະຊວງສາທາລະນະສຸກ ເຂົ້າຮ່ວມ 240 ສະຫາຍ, ຍິງ 146 ສະຫາຍ.
ການເຜີຍແຜ່, ເຊື່ອມຊຶມຄັ້ງນີ້ ເປັນການສ້າງຄວາມຮັບຮູ້ ແລະ ເຂົ້້າໃຈຢ່າງເລິກເຊິ່ງ ທັງສ້າງຄວາມເປັນເອກະພາບທາງດ້ານທັດສະນະຄະຕິຕໍ່ເນື້ອໃນມະຕິກອງປະຊຸມວຽກງານຈັດຕັ້ງທົ່ວປະເທດຄັ້ງທີ XI ກ່ຽວກັບວຽກງານກໍ່ສ້າງພັກ-ພະນັກງານ ແລະ ປັບປຸງການຈັດຕັ້ງໃນໄລຍະໃໝ່, ທັງເປັນການຊຸກຍູ້ ແນະນຳຕິດຕາມກວດກາ ຈັດຕັ້ງປະຕິບັດຕົວຈິງແຕ່ລະໄລຍະ ແນໃສ່ວຽກງານກໍ່ສ້າງພັກ-ພະນັກງານ ແລະ ປັບປຸງການຈັດຕັ້ງມີບາດກ້າວຫັນປ່ຽນຢ່າງຈະແຈ້ງ, ເສີມຂະຫຍາຍລັກສະນະນຳໜ້າ, ຈຳກັດ ແລະ ແກ້ໄຂສິ່ງຫຍໍ້ທໍ້ຕ່າງໆໃນວຽກງານດັ່ງກ່າວໃຫ້ໝົດໄປເທື່ອລະກ້າວ.
